2022ஆம் ஆண்டை அடிப்படையாகக் கொண்டு எடுக்கப்பட்ட இந்த பட்டியலில் இந்தியாவின் அண்டை நாடுகளான பாகிசுத்தான், ஆப்கானிசுத்தான் பிரதான இடங்களை பிடித்துள்ளன. அத்துடன் கடந்தாண்டு ஆப்கானிசுத்தானை விட பாகிசுத்தானில் கூடுதல் பயங்கரவாத சம்பவம் நிகழ்ந்துள்ளது அதிர்ச்சியை ஏற்படுத்தியுள்ளது.

 

தெற்கு ஆசியாவில் அதிகளவிலான பயங்கரவாத சம்பவங்கள் நடைபெறும் நாடு என்ற முதலிடத்தில் 2017இல் இருந்து ஆப்கானிசுத்தான் இருந்து வந்தது. கடந்தாண்டு ஆப்கானிசுத்தானை பின்னுக்கு தள்ளும் அளவிற்கு கூடுலதான பயங்கரவாத சம்பவங்கள் பாகிசுத்தானில் நடைபெற்றுள்ளது.

 

பாகிசுத்தான் நாட்டை பொறுத்தவரை 2021இல் 292 பேர் பயங்கரவாத சம்பவங்களால் உயிரிழந்தனர். இந்த எண்ணிக்கையானது 2022இல் 120 சதவீதம் உயர்ந்து 643 மரணங்களாக உயர்ந்துள்ளது. இதன் மூலம் இந்த மோசமான பட்டியலில் தெற்கு ஆசியாவில் முதலிடத்திலும், சர்வதேச அளவில் 6ஆவது இடத்திலும் உள்ளது. இந்த பயங்கரவாத சம்பவங்களில் பலுசிசுத்தான் விடுதலை இயக்கம், தெரிக் இ தாலிபான் ஆகிய இரு அமைப்புகளும் கணிசமான தாக்குதல்களை நடத்தியுள்ளன. பாகிசுத்தான் பயங்கரவாத மரணங்களில் 36 சதவீதம் பலுசிசுத்தான் விடுதலை இயக்க அமைப்பு மூலமாக நிகழ்ந்துள்ளது. ஆப்கானிசுத்தான்-பாகிசுத்தான் எல்லைகளை அடிப்படையாகக் கொண்டு இயங்கும் பயங்கரவாத அமைப்புகள் மூலம் 74 சதவீத உயிரிழப்புகளும் நிகழ்ந்துள்ளன.  பலுசிசுத்தான் விடுதலை இயக்கம், தெரிக் இ தாலிபான் அமைப்புகள் இரண்டையும் அமெரிக்கா, பிரிட்டன் ஆகிய நாடுகள் தடை செய்யப்பட்ட பயங்கரவாத அமைப்புகளாக அறிவித்துள்ளன.