பொங்கலையொட்டி அஜித்தின் துணிவு படத்துடன் விஜய்யின் வாரிசு நேரடியாக மோதுவதால் சினிமா ரசிகர்கள் மத்தியில் எதிர்பார்ப்பு அதிகரித்துள்ளது.  வாரிசு படத்திலிருந்து முதல் பாடலாக தமன் இசையில் விஜய்யின் குரலில் ரஞ்சிதமே (Ranjithame) பாடல் இன்று வெளியாகியுள்ளது. முதன்முறையாக விஜய் படத்திற்கு தெலுங்கில் முன்னணி இசையமைப்பாளராக இருக்கும் தமன் இசையமைத்துள்ளார். வாரிசு படம் வரும் பொங்கலையொட்டி வெளியாகவுள்ளது. இந்த படத்தில் விஜய்யுடன் ராஷ்மிகா மந்தனா, சரத்குமார், பிரபு, பிரகாஷ் ராஜ், யோகி பாபு உள்ளிட்டோர் நடித்துள்ளனர். வம்சி பைடிபள்ளி வாரிசு படத்தை இயக்கியுள்ளார். ஸ்ரீ வெங்கடேஸ்வரா கிரியேஷன்ஸ் சார்பாக தில் ராஜு இந்த படத்தை தயாரித்துள்ளார்.